* * *
Ӵукна усиз лымы. Йӧӟектӥзы пукись вуос.
Метро доры бызе калык – вӧзтӥ ортчись.
Каньыл солы, кинэ уг ёрто кайгуос
Ӟеч каремзы понна – кин ке но куремысь.
Уг шӧды со ултӥянлэсь секытлыксэ,
Мурт калыклэсь куараоссэс уг кыл.
Со ӟеч вала туж огшоры пичильтыксэ,
Со – Инмарлэн гинэ, мукет солы – укыл.
Улэ со ас йыраз – бадьпу музэн,
Улэ мӧзмон-куректонэз тодылытэк,
Со мыкыртӥз йырзэ, чидан сямен,
Шурлэн визылэзлы пумит – ӝутылытэк.
