Main menu
0:00
0:00

***

И воас кад, и лоас сiдз,

Кыдз весиг тöдысьыс эз шулы,

И ичöт лача оз нин видз,

А вежöр сетчас полöм рулы.

 

И зэвтас няр бордъяссö вой,

И муыс вöйтчас пемыд пиö.

Кыдз лöньöда ме тэнсьыд дой?

Кор ачым вынтöм, шогыс виö.

 

И майшасьöм оз прöста лок,

Но вежа юöръяс пыр мöрччö.

...И эскыссьö, мый оланног

Морт вежöр сöвмöм вылö тöдчас.

 

Со воис кызь öтикöд нэм,

Ми вежим Библия экранöн,

Ми збыльысь эскам: сiдзи-й эм,

Морт сiйö вöвлöм öблезяна.

 

Мый понда олöм панiс ен

Да татшöм пудсö сиис нуны,

Мый водзö лоö - веськодь мен.

Со вöрса туйöд лöня муна.

 

Тан öдва кылö лэбач гор,

Вöрпулöн шувгöм сiйöс венö.

И розъя льöм да пелысь сор

Син водзын ворсö кельыд енэж.

 

Тан вошöм скит. Тан парма шöр.

Тан лöняс лолын пессьысь öгыр.

Тан сöмын крест да ляпкыд йöр,

И сэсся нинöм матiгöгöр.

Print Friendly, PDF & Email