Main menu
0:00
0:00

Мед кодкö судзис ыджыд чин,

Мöд ылöдз нималiс поэтöн,

А тэныд — нэмсö корсис син

Ен йирысь кодзув да планета,

 

Мед тöдны, бергöдлыны кад,

Мый вöлi муяс пуксьöм дырйи.

Со тэнад енэж, ичöт сад,

И весиг тайö дзескыд жырйыс.

 

Но öбраз либö вежа крест
Ни Библия оз тыдав танi,

И олöм удайтчис ли эз,

Ог ышты ковтöм сёрни панны.

 

Öд сiдз нин туйдчис олöм гыд,

И синъяс чусалöны надзöн...

Ен йирö дзоргин олöмбыд,

Но асьсö Енмöс эн и аддзыв.

Print Friendly, PDF & Email