Main menu
0:00
0:00

***

Öтгудырас вöзйысис ловным,

Тадз ыштылiм суöдны ком.

Европа моз кöсйыссис овны,

Вир йöйяс, ми паськöдiм вом.

 

Но сьöвзисны лöсьöдлöм соддзö,

Шань тöвру эз мышканым пöльт.

И озыр со озырмö водзö,

А гöль лои нöшта на гöль.

 

Мый виччисны ылысса пöльяс,

Пыр виччысям, нэм бöрся нэм:

Шань вокъяс моз олöм да вöля...

И кöнкö пö татшöмыс эм.

 

Ог эскы, мый ми кодьыс понда

Французъяслöн майшасьö лов,

Мед бурджыка овны ми пондам.

Но дзуглясьны таысь оз ков

 

Да мыжаöс индыны пасöн.

Вай лöньöдам ас костын вен,

Бус кыпöдысь мудзöм стадасö

Эз эновт на пыр кежлö Ен.

Print Friendly, PDF & Email