Main menu
0:00
0:00

***

Мем тувсов кадö узьсьö лёка,

Лов пессьö, торксьö олан ру.

Апрель. И помассьö эпоха.

Чöрс йылас дзуртiг лэбö му.

 

Тi вöзъяд öтдортчыны пежсьыс:

Эн сымда ю да асьтö видз.

Морт вежсьö. Мир ми гöгöр вежсьö.

И век жö ставыс кольö сiдз.

 

Со бара висьталöны мойдъяс,

Мый олöм лои вывтi бур,

Но колины нин бöръя войтъяс,

И регыд воссяс биа нюр.

 

Мый вöчсьö, олам кутшöм сямöн:

Война да шог — ми йöймим скöнь.

Со пыра тыртöм, кöдзыд крамö,

И Енлöн крамын шуштöм лöнь.

 

И неморт нога олöм шöрас,

Кор весиг вежа лолыс сьöд,

Ме кевман кывъяс вайи сьöрысь,

Но кодсянь сёрнитны, ог тöд.

Print Friendly, PDF & Email