Main menu
0:00
0:00

***

Мыждысь синъяса, чöв олö енэж,

Татшöм лöнь бöрын пансьылö кось.

Кодъяс лоам ми? - юалöм венö, -

Кытчöдз воим, мый косны оз позь?

 

Быд лун вежсьöм - нем абуыс лоö,

Мути ордымö кежöдiс нэм.

Сымда выльыс, мый чермунлö лолыд,

Завидь, кöнкö мый олöмыс эм.

 

Пемыд йирö моз ывлаыс сунö,

Пелысь розъясöн ыпнитлiс ар.

Тайö кад вылас кутшöмкö лунö

Волö здук — быттьö разсьылö гар.

 

Личкысь пемыдыс разалö надзöн,

Ворсö ва... Водзö нинöм оз ков.

Рытъя шондiлысь дзирдсö кор аддзан,

Тадз жö вöрзьылö зэлалöм лов.

 

Print Friendly, PDF & Email