***
Друг ловзьö и вöр-ва, и сикт -
Тадз тулысыс öдöба босьтчö.
Йи кылалiс сöмын на дзик,
А раскын нин корйыс со воссьö.
И югъялö сус пуа вöр,
Май тöлысся зэръясöн мыськöм.
И воасны лэбачьяс бöр,
Öд чужанiн быдöнöс кыскö.
И Енмыслöн шуöма кор,
Быд лов ассьыс индöдсö посйö -
И медводдза нэриник кор,
И льöмлöн веж быг сяма розйыс.
И овмöдчас сьöлöмö шуд,
И колö мöй шогъясöс кайтны -
Ме казьтывны важсö ог кут,
Ог ышты и водзöяс чайтны.
Мый майшöдлiс — кольöма, да.
Ме восьлала томиник, шуда.
Ак, кутшöма туöма ва,
Ак, берегдор баддьыс мый суда.
А кымöръяс кывтöны надзöн,
Мöд ю быттьö енэжсьыс аддзан.
