Main menu
0:00
0:00

***

Олöм, шулöны тай, сетчö:

Вода сёрöн, водз зэв чечча.

Уджалышта, гортö локта.

Шойччан лунö пывсян ломта.

Челядь. Гöсьтъяс. Телевизор -

Ставыс мунö аслас визьöд.

Со нелямын бöрö кольöм,

Тайö - олöм.

 

Лэбысь лунъястö он косöд.

Мыйкö ладу, мыйкö - косö.

Локтам ярмангаысь, быттьö

Рыт, и быттьö асыв; лыддя

Вöвлысь тувччöм — зым да зым.

Лэбö лым.

 

Волö мöвпсер кыськö ылысь,

Тшöкыдджыка кувсьöм йылысь:

Асывъясö мудз нин личкö.

Уна-ö и коли, сiдзкö?

Войнас эшкын оз нин шонты,

Ты-мус висьö, кокöс ёнтö...

Тырмас, вунöдчывны колö...

Но а лолыд?

Print Friendly, PDF & Email