Main menu
0:00
0:00

***

Мый виччысьны водзысь, ог тöдöй,

Ки маласöн писькöдам туй.

Ми няйтас да гудырас пöдам,

И олöмным матö оз туй.

 

И быдласянь повзьöдчö рöкыд,

Кор му вылас помасьтöм вой.

Да збыль öмöй сэтшöм нин сьöкыд

Чут вежыштны асьтö - кöть войт?

 

Мый öкмис да мустö мый йирö,

Мед важöн нин бурдöдiс ен,

Но öтдортчö дузъялысь вир-яй,

Да сьöлöм и лов костын вен.

 

А тырмымöн, тöда ме стöча,

Рам вежöр да неуна мыв,

И лыддьыны помöдз, кöть öтчыд,

Ен нигаысь велöдан кыв.

 

Print Friendly, PDF & Email