Main menu
0:00
0:00

***

Ва вежöдöны. Ковган кöдзыд,

Морт кыв и лэбач усьö кын.

Ме Рöштво крамын кора сöдза,

Мед мылыштас да сетас вын.

 

Тан сёрнитны кö, öдва кывмöн,

Тан лöньсьыс йирмöгалö мыш.

Сись ньöжйöникöн сотчиг сылö,

Тадз сылö нуны позьтöм мыж.

 

Зэв ыджыд сiйö, личкö муас.

Кор волас грека ловлы лич?

Но водзöс босьтöм коркö суас...

Прöстит, да мылышты, да видз!

 

Пöч паперть вылын синсö кунис.

Со зумыштчöмöн мунiс морт.

Мед Вежа Ловлöн авъялуныс

И миö сидзас, быд лун кор...

Print Friendly, PDF & Email