***
Лемоньке минь кайги масторлангса.
Няеськ Марсть, озсеме Ковть карязс.
А кудоньконь щеняти кадоськ сянкса,
Пряньконь урозькс эсь масторсонк маряськ.
Ин-го-ле-тя-ма –Альпаса и Андса,
Тяряфттама паваз мирти каземс.
Ина минцень моданьконь аф няйсаськ,
Конань ёрайхть сембе пяльде сяземс.
Серьгяттяма пир, шъраньке пяшксет –
Аноктама нармонь лофца путомс.
А масторть аф ункстави козяшинза
Шудихть омба масторть зепс и утомс.
А миньцонк тага карнавалхт и саммитт,
Аш мяльге содамс, вакссот –ялга - сюрусь?
Аньцек пинесь орта лангса суви.
Мезь тиендеви мархтонк, кие муворсь?
Газоньковок шуди масторланга,
Турбатне стаки модать келес шаштыхть,
А минцень офтонь ужес газсь изь пачкодь,
И фкя-фкя мельге веленятне маштыхть.
