***
Олась менельса ковсь,
Моли кашт калмолангс,
Тёжянь вайгяльбес ловсь
Кельме сетьмоши кандсь.
Вай, кштизь шарозевсь ризфсь,
Инзедсть лазксонди тёст.
Стясть - коммунистонди тяштть,
Шкайти кемайти крёст.
Мзяра ломань юмась,
Шудесь ляйкс якстерь версь,
Явсесть тядясна синь,
Пичефкссь седиснон керсь.
Цёрать сельмонза мадсть,
Ашесть маря ни пелькс.
Аньцек пси сельмоведсь,
Эсток кельмосесь эйкс.
Тяшттне дивандазь ванцть,
Кода масторсь трнатсь,
Пефтом модат и ляйхть…
Вастсь вдь сембонди сатсь!..
Сяка пяляскодсь мирсь,
Кяжишись панжезь панчсь,
Кеподсть крёсневок вирькс,
Лиендсь алганя кранчсь.
Олась менельса ковсь,
Моли кашт калмолангсь.
Тёжятть вайгяльбес ловсь
Ризфу сетьмоши кандсь.
