Эрямось моли вадрясто,
Позда мадят, стят тон састо,
Телевизор. Инжеть. Эйкакшт.
Ламо иеть эсь масторсот,
Ливтясть бойкасто, сынь косот?
Весе сынь – эрямосот.
Читне ливтить, тон варштака,
Тесэ шожда, тосо стака
Аволь чокшне, аволь валске,
Ютыть тон эрямонь панкске,
Лишметне бойкасто ардсть –
Ловось прась.
Яла теветь апак прядо
Арсезеват куломадо.
Зяро эрямс тень кадовсь?
Валскесь куроксто прядовсь
Сэредсть седеесь, максось…
Ардтано, вадря тевесь,
А оймесь?
