Konzu tuhu tuhizou kovah
Da pitky yö on vastas,
Uskon yhteh – vai Jumalrukku
Tulou minulleni vastah.
Muailmansuuruvus on vie ies,
Vihuau pihal suurdu vihavuttu;
Älä suudi minuu vahnois dielolois,
Voinnet – ga ližiä omua armavuttu.
Kunne vai ei vietelty putit oivat,
Moliimmos päivän kaldavujes,
Piästä, prosti – pakičen poiga,
Älä hylgiä minuu ijän alendujes.
Avua veriät ruajuh raiskoih,
Hyväl toivel kurjua lämmitä,
Älä suudi rabua riähkähisty,
Voinnet – ližiä omua luaskavuttu...
Tuhuo pihal kovua tuskevuttu,
Näen tiähten sammunuon,
Linnu on pogostan jytyi:
Eigo omua, eigo vendoivierastu.
Syväinyön pilvis jo vallottau,
Et sinä, yö, omua igiä pitkendä:
Päivän sugahaine da tuohuksen tulut
Yhteh sobuh malta hörkendiä.
