Main menu
0:00
0:00

***

Talvi – ižändy. Vie pakkazien vallat,
Da kylmänyzien koivuloin ferezit;
Vuotettavat oldas keviän hallat
Da linduzien iänet heliembäzet.
Vie talven takku jygei sit,
Dai pimieh duumat heityttih.
Pikkaraizen časoun`an kupelit
Vidivalgieh lumeh peityttih.
Vie tuhun hembiet hengähtykset
Odva kuulutah korbimečäs,
Da keviän pehmei, helei vajatus
On rouno muapinnan ečos.
Jo kuuluu läbi kylmänyös joves
Hil`l`aine, vessel šupetus,
Da lumekkahien rannoin tyves
Rouno kuldua viessai Kummitus.

Print Friendly, PDF & Email