***
Täl svetul mugoi anttud mär,
I keda neciš meile laidä.
Om ken se – oiged, ken se – vär
A kelle valdkund anttud lahjaks.
Om ken-se bohat, ken-se – gol’l',
A kel-se – parahimad neiččed.
No toižel svetul linneb hol’
I azjoid valičed sä iče.
Hot’ sumeges om elon agj
No jaugal mujad kodin randan.
Ka ala voika, mäneb aig
I Jumal lahjoid udes andab.
Sä Ižandaha usko möst,
Ei pida pal’hiš sanoiš kaidas.
I, kacu, sel’ged om jo ös,
I agjatoi om mirun taivaz!
