Main menu
0:00
0:00

* * *

Чапмуро йоҥгыш, тисте лойгыш,
Элнан у тӱс тыге йолга.
А Шочмо Эл логалын ойгыш,
Поргем деке шыпак йолда.

Тӱняште кажныже шке семын
Илаш кучем ден тӧчена.
Чонна вуя-ваш мур ден темын,
Йотэлын семыш велына.

Сандалык толкынеш рӱзалтын,
Илем, вургемым вискален.
Тӱня вашталтын, чон весемын,
Нигӧ огеш вашлий аклен.

Велалтын кумыл ош поранын,
Шаланыш кӧргӧ вий-куат.
Российым умылаш… Молан гын
Пӱренак огыл – вуетлан муат.

Поран мардеж покта у жапыш,
Куатле эл шижде тайна.
Йылт палыдыме кугыжаныш,
Кушеч толеш, кувек кая?

Чоян пуналтше корнывожеш
Мондаш кӱлеш дыр корныпалым.
Ош Юмо ончылно, кӱсотеш
Сӧрвалыман ӱшанле алым.

Print Friendly, PDF & Email