Main menu

Мален колтен мотор ола,
Уремыште шем йӱд.
Эр суксо чоҥештен вола,
Окна яндам: тӱк-тӱк.

Тӧрзам лош почын шындемат,
Шке суртышкем пуртем.
Эр южеш ойгым шылтемат,
Салам, манам, суксем.

Йырна шарла рӱмбалге ший,
Ош шулдыржо лум гай.
- Илет-шӱлет? - йодеш изий,
Йӧршеш айдемылак.

Нимом ом ойло мый тудлан,
Чыла пала такшат.
Пуламыр пагыт - лум пурак,
Шулен йомеш шыпак.

Чыл-чыл волгалтше парняж ден
Саҥгам, вачем тӱка.
Осал деч мыйым арален,
Ыреслылын вӱчка.

Шыма да ныжыл эр мардеж
Йӱд пылым поктылеш.
– Чеверын код, эрла марте, –
Суксемже шыргыжеш.

Тудлан – кавасе райышке,
Мылам – мландем пелен.
Пеш ятыр-ятыр жап эше
Кышашкыже ончем.

Print Friendly, PDF & Email

Песни на стихи Дмитрия Мизгулина