Main menu
0:00
0:00

* * *

Вузалтын тӱняна шояште,
Чеп дечын утлен она керт.
Кумир-влак илат чап кашташте
Нужнаҥше мотор элыштем.

Сӧрат да пиал-тыныс жапым,
Тунамак йӧрат шӱдырла.
Мыняр шинчанужшо ты татын
Ондалчык почеш шӱдырна.

Куралын, ӱден она кушто,
Но со йӱына-кочкына.
О, поро мутна ынде кушто?
О, кушто мур гай йӱлана?

Кӱ рокым кышкен еҥ пакчашке,
Лач шкендым орадыщ луктат.
Тунамак иуд-влак коклаште
У эр нерген мут-влак шоктат.

Мый тиде шоячым ом колышт,
Ом пиж тавадаҥ ӱчашаш.
Эрден кынелам да шып тошкышт,
Каем роколмам мый шындаш.

Чыла умылен да эскерыл
Илем шып – улам титакан.
Утарыше юмо эсенлын
Кӱшта мут кучаш икана.

Эл тургым эрта эркын-эркын,
Нӧлтеш кугыжаныш, волгалт.
Толеш жап ик шыже эрдене
Кӱнчаш роколмам адакат.

Print Friendly, PDF & Email