Main menu
0:00
0:00

* * *

Пургыжтале, пӧрдын нале,
Лумаҥден йырваш ялем.
Йӧратен чарнальым, мане
Эн мотор шӱмбел таҥем.

Шӱлыкаҥын шарналтем мый
Вичкыж ал тӱрветымат.
Мом ышташ гын, йӧратем гын?
Мом ышташ? Тӱнчыгенам.

Мый поктем чонем гыч ойгым,
Поро мутым кычалам.
Пелештем Ош Юмын ойым,
Ракш имнемым кычкалам.

Чодыра гоч, нур-пасушто,
Пич корнемым мучашлем.
Мӱндыр ялын изи тулжо
Шӱдыр дене ӱчашен.

Коҥга шолгым тушто шокшо,
Тӱкыде лум пургыжат.
Ӱдыр шӱм кӱлтка пеш шокшын,
Качым ӱжын вургыжал.

Чон ынде мура лекшаш гай,
Шинчавӱд йӱкшен кошка.
Шӱдырем кид ден налшаш гай –
Руалтем дыр, товатат.

Print Friendly, PDF & Email