Beş-alti manatlıq fayton səfəri
Bakının keçmişdən qalan şakəri
Gəzib dolanaram lal küçələri
Ötəni, yetəni seyr eləyirəm.
Mehman gəzdirən faytonçu bu dəm
Söz açır, üyüdür
hey ordan-burdan,
Təkərlər fırlanar
dolanbadolan,
Gecə sükunətə qərq olub nər yan…
Daşlarin yaddaşı gör nələr deyir,
Hər yerdə bir aləm,
dastan gizlənir
Keçmişlər şəhərin vecinə deyil,
Bu günüm öz hokum, ünü
səslənir.
Güzəran sürəcək öz minvalıyla,
Adicə həyatın vecsiz axarı
Musiqi qarışıq qiylu-qalıyla
Basacaq qaranlıq meyxanaları.
Oranın öz nırxı, öz alveri var,
Içənlər içkidən xoşhallannacaq,
Günəşi udacaq lacivərd sular,
Dənizin içindən ay boylanacaq.
Baxıb naşıların boş höçətinə
Ariflər bezikib təngə gələcək,
Oğrular işinə başlayıb yenə
Bu gecə bəxt ilə cəngə gələcək.
Qaranlıq haqlayır yolu bir qədər
Kölgələr, binalar ötüsüb keçir
Gecənin qoynunda ucalan evlər,
Saraylar zülmətə qatışıb keçir.
Qocanın yüyəni tutan əlləri
Sustalıb boşalir,
atlar səngiyir,
Aşıb əsrləri, bərvləri
Tarixin sorağı
min bir don geyir,
Heçliyə qər olmuş
şahlar, vəzirlər,
Adlar unudulmuş,
solmuş daş-divar,
Yazıya pozu yox,
qədim yazılar
Vaxtın sınağ necə
dözürlər?
Daş üstə sehirli, sirli
naxışlar,
Onlardan baş açan,
oxuyan hanı…
Əsrlər şahıdı, sinli naxışlar
Özündə yaşadır ötən zamanı.
Odur ha, göylərdən
asılı qalıb
Qoca Şərqin gerbi-
bəyaz aypara
Sanki qanad çalıb, qalxdıqca qalxıb
Ünyetməz, əlçatmaz ucalıqlara…
Ləpələr sahilə sinir sakitcə.
Halını pozmayır qayğışız gəcə.
