***
Олнэ нотум ат минас – тыламлас.
Ат ангкватангкв – найн туйтыл миным.
Совыт тал эти тохи турманлас,
Хумплынг вит хумпыл талткве ратым.
Олнэ нотум ат минас – нуйхатас.
Сэнгквыл я ласьлакв патвес хартунгкв.
Товлынг уй илттыг ронгхунгкв патхатас,
Тупкам сыме тав патыс тыстунгкв.
Олнэ нотум та минас. Та олсум...
Инг молхотал, хунь таланум мань,
Янгыг олунгкве моляхнув тангхсум,
Тангхсум... Таквсыиг емтапас ань.
Юи-овыл луптат эла тотавет,
Холытан паты асирманыг,
Пащар йив пилыт вотын хосъявет
Лургегыт пилыт лонгханьсяпыг.
